പ്ലസ് വണ് – സ്കൂൾ മാറ്റം 27 മുതൽ അപേക്ഷിക്കാം
ഏകജാലക സംവിധാനത്തിൽ മെരിറ്റ് ക്വാട്ടയിലോ സ്‌പോർട്‌സ് ക്വാട്ടയിലോ ഇത് വരെ പ്രവേശനം നേടിയ എല്ലാ വിദ്യാർഥികൾക്കും ഒക്ടോബർ 27 മുതൽ ട്രാസ്ഫറിന് അവസരം നൽകുന്നു.
ഒന്നാം ഓപ്ഷനിലാണ് പ്രവേശനം കിട്ടിയവർക്കും സ്കൂൾ മാറ്റത്തിന് അപേക്ഷ നൽകാം.
ജില്ല/ ജില്ലാന്തര സ്കൂൾ/ കോമ്പിനേഷൻ ട്രാൻസ്ഫർ അലോട്ട്‌മെന്റിനായി അലോട്ട്‌മെന്റിനുശേഷമുള്ള ഒഴിവ് ഒക്ടോബർ 27ന് പ്രസിദ്ധീകരിക്കും. ജില്ലയ്ക്കകത്തോ/ മറ്റ് ജില്ലയിലേക്കോ സ്കൂൾ മാറ്റത്തിനോ കോമ്പിനേഷൻ മാറ്റത്തോടെയുള്ള സ്കൂൾ മാറ്റത്തിനോ കാൻഡിഡേറ്റ് ലോഗിനിലെ Apply for School/ Combination Transfer എന്ന ലിങ്കിൽ അപേക്ഷിക്കാം. ജില്ല/ ജില്ലാന്തര സ്കൂൾ/ കോമ്പിനേഷൻ ട്രാൻസ്ഫർ അലോട്ട്‌മെന്റിനെ സംബന്ധിച്ചുള്ള വിശദനിർദ്ദേശങ്ങൾ ഒക്ടോബർ 27ന് പ്രസിദ്ധീകരിക്കും.
